اتصل بى (......) وهو صديق لى واخبرنى انه يريد ان يقابلنى فى امر مهم .
فطلبت الاستفتسار منه عنه فااخبرنى بمجرد ان يقابلنى سوف اعرف على الااتاخر عن الميعاد
وطلبت معرفة المكان.
فقال لى على اسم كوفى شوب فى مول شهير بمدينة نصر
فااجبتة بسرعة ياله المكان دا غالى داانت كبيرة يوم مابتعزمنا بيكون فى قهوة حنكورة ولا عند بتاع الشاى اللى فى موقف الميكروباص .
فابتسم وقالى بس متتاخرش .واغلق السماعه.
وعلى
عجل ذهبت اليه مسرعا كى الحق الميعاد ودخلت المكان بس بصراحة ياجماعة شيك
اوى غير منظرة الخارجى كمان ونظرت متفحصا من فى المكان فوجدتة يرفع لى يدية
من على ترابيزة فى احد الاركان
فذهبت اليه متسائلا ومبتسما فى ان واحد خير ياله هو جايبنى هنا حتبنى ولااية ههههههههههه.
فرد عليا.يااخى بس اقعد الاول وخد نفسك.تشرب ايه.
بصراحة انا قلت استغل الموقف قلت له ياعم شرب ايه داانا جعان ولسة مكلتش ؟
فضحك بغيظ وانا عارف ضحكتة الصفرا دى وقال لى اطلب السندوتشات اللى انت عاوزها وطلب الجرسون
المهم سألتة خير ما الداعى لهذة العجلة
اجابنى
مش (......) اتخطبت قلت له بسرعة ياراجل اهى ريحتنا الله يرحمها وانا لم
اتفحص الاسم جيدا ولما تيقنتة وعرفت انها حبيبته. قولت نهارك اسود امتى
الكلام دا حصل وانا بانظر فى وجهة وجدت عينيه مبللة بالدموع.
فهزنى موقف راجل يدمع وقلت له فى راجل بعيط
اجابنى مانت عارف هى ايه بالنسبه ليا وقعد يرص كلام من الخايب والعبط بتاع المشاعر والاحاسيس.
واستفسرت منه والكلام دا حصل امتى
قالى
هى طلبت مقابلتة وقالت له ان فى عريس جاهز اتقدم ليها وظروفة عال وعندة
شقة وجاهزة وبصراحة اهلها موافقين عليه وانها لاتسطيع ان تكسر كلام اهلها.
فسالته بعبط طب ومصير الدباديب ليه اللى انت كنت بتجبها ليها.
قالى دباديب ايه اللى انت بتتكلم عليها عموما هى جابتها
رديت يبقى بنت كويسة وامينة وتستاهل الراجل اللى هاباخدها. هههههههههههه
قالى انت معندكش دم وبتاكل كمان
امال اموت علشان خاطركو
وسألنى السؤال المهم فى هذا الموضوع
هى عزمتنى على الفرح ؟ اروح ولا....لا؟
بصارحة معرفتش اجاوبة وقلت ادينى فرصة ادرس الموضوع وا اجاويك.
وانا اتوجه لكل اعضاء الجروب حبايبى ساعدونى فى الاجابة على هذا السؤال الصعب؟
وبالاسباب علشان هو هيقعد يناقشنى فى اجابتى له وممكن يدفعنى تمن الاكل.
هل تذهب الى فرح حبيبتك اذا دعيت............ام لا؟
الأربعاء يوليو 13, 2011 2:16 pm
